مواضيع لم
تغذية
rss
أفضل
20عضو
أفضل
اعضاء اليوم
جديد
المواضيع
أدخل
هنا
قانون
المنتدى
قائمة
أصـدقائي
طعم هزيمتك
مش قد مرارة حلقي أمبارح
وأنا في اللفه
..شايف الدنيا ومش قادر أعاود تاني
بتستغرب ليه
كام عقب سيجاره أتخنقوا ف طفيتك
من ساعت ما واجهتك بحقيقتك
واذاي لسوعت صوابعك
ونفخت عليهم نار صدرك
فاتحرقوا زياده
هاتعلق خيبة أملك
على مين المره دي
البنت..؟
ابتسمت لك حبه
ودخلت قصيدتها
وقفلت جناينها عليها
قبل ما تدخلها الغربان
ويعشش فيها البوم
اللي انت بتجري وراه دلوقت
الوطن..؟
العب غيرها
ماعادش يساعدك
ولاعدتش تنشد مواويل أيام الصبا
زي زمان
وأصحابك
يتمايلوا ببراءتهم حواليك
ويقولوا الله
دلوقت يعوض ربنا
على طيبة قلبك ويسهلها لك
حتى الخيط اللي مسكته
وتبت عليه بأيديك واسنانك
وقعدت تهندم فيه
بيدوب ف ايديك
..نظرتك الديقه زي ما هيه
وبتلعب ف مساحه أديق منها
لو تطلع براها
ها تفتح صندوق الروبابكيا
المتزوق من بره
ومن جوه صفيح بيدبح ف صفيح
وانت بتدخله
ها تحاول كراكيبه بكل براعه
تشل حواسك
وتسيطر على تفكيرك
وها تتحاصر بالناس الخرده
وبالدم الفاسد
والصدا والأنقاض والرابش
بس اللي انا متأكد منه
انك بني آدم من دم ولحم..
وان الطبع الغلاب جواك
ها يرجع دمك بسخونته
وها يصحي مشاعرك قبل ما تتخدر
وها تقدر تاخد موقف مره ف عمرك
قدام صندوق روبابكيا
مزوق من بره
....ومن جوه صندوق روبابيكيا
