احنا الصعايده

السلام عليكم ورحمه الله وبركاته

انا هاتكلم كلام يفهموو العاقل بس

والللى بيخاف ربنا

انا هتكلم الكلام ده
عشان انا اصلا صعيديه
وبفتخر اني صعيديه

ليه بنعيب فى كل صعيدى


مره واحد صعيدى
مره واحد صعيدى
بلدياتنا

ناس كتير بتشوفها نكته بتعيب
فى عقول ناس

وتقول انهم اغبياء والفهم عندهم بطىء

وناس تانى شايفاها نكته وهزار وضحك

انا بقى هارد على اللى بيقول هزار

انتا وقعت فى كام عيب وغلط ياريت احسب معايا

1.. الغيبه
الغيبه هى ذكر اخاك بما يكره واظن انه مفيش صعيدى يحب يتقال فى حقه كلمه غلط او اتهام بعدم الفهم

وذنب الغيبه كبير جدا اول شىء
انها تنقص من حسناتك وتكسبك سيئات
من خلال الذى اغتبته كل ذلك يوم القيامه

2.... العقل

بالله عليك يا اللى بتضحك وتقول نكت فكرت الاول فى النقل المكذوب والنقل دون تفكير او عقلانيه اذا كنت لا تعلم فان من الصعيد اخرج علماء كثير فى جميع المجالات وسوف اذكر لك اسم شخصيه واحده فى المجال ويارب تستوعب مين بس اللى مش بيفهم كويس

علماء الدين الاسلامى((الطهاوى)) فى الجهاد والدفاع عن الوطن
((محمود سامى البارودى وقبلهم احمس طبعا من زمان))
فى الطب((مجدى يعقوب)) فى الموسيقى ((ياسر عبد الرحمن))
فى الغناء ((محمد منير)) فى الرئاسه ((جمال عبد الناصر))
وفى كتير وكتير

3..التفريق بين المصريين

يا اخى ليه بتقول صعيدى وفلاح واسكندرانى
ونوبى وكذا وكذا ولا احنا مش اخوه فى الاسلام ؟؟
ولا مش شعب واحد؟؟
وهناك وطنيه ولنا ارض واحده تجمعنا هى مصر
لو عاوز تتضحك ياخى ماتقول مره واحد .... وتقول كلامك
لازم تحدد يعنى مين هوا الواحد وتفرق بين شعب

4..........الاصل فى الجنس

معلش بقى ومحدش يزعل منى لم يقيم فى الصعيد اى احتلال حتى يخلط بين الاجناس مثل ماحدث فى كثير من مناطق الدلتا
من العصر الفرعونى حتى الحمله الفرنسيه والانجليز

5...نقص الشخصيه
اى حد بيعيب فى شخص يا اما نقص فى شخصيته وهوا شايف انه بيكبر لما يعيب فى حد
او نقص فى التفكير والعقل زى ماقلنا قبل كده النقل المكذوب

6.... ماذا تعرف عن الصعيدى حتى تتهمه بالغباء

الصعيدى ده اول من اقام حضاره فى مصر
ومازال نفخر به فى جميع المجاللات

وانا مش هاتكلم على شخصيه الصعيدى عشان فى ناس كتير تشهد بكده من الطيبه والكرم والرجوليه والشهامه والصراحه ......................

نصيحه لك اخى المعيب فينا
لن اسامحك وربى يوم الحساب
وسوف اخذ منك حق كلمه غيبه فى حقى

ممكن ناس كتير تشوف كلامى انه غرور و قله احترام لحق شعب اصيل من غير الصعيد لا والله انا لم اعيب فى حد ولم اذكر شىء عام ابدا بل اقول انها نماذج او شرذمه قليلا جدا

ياخى اضحك وهزر براحتك بس متحددش مين الشخص ده
وقول مره واحد ...وبس

والله انا بقول كده من غيرتى على بلدى واصلي عشان فى الخارج والدول العربيه فعلا بيفرقوا بين المصريين وكل واحد منهم ليه معامله خاصه اذا كان فلاح او صعيدى واحنا بأيدينا اللى عملنا الفرق ده

ياشعب مصر ويا كل العرب احنا جنس واحد واصل واحد
وياريت محدش يزعل من كلامى وياخدو بمفهوم تانى
انا قلت من الاول الموضوع للعقلاء وبسسسسسسسس

وعاوزه بردوو رايئكم
وانا مستعده لاى نقاش او حوار بكل احترام