بسبوسه التمرامممممممممم روووعه

تفضلوا المقادير والله يجنن انا سويته كذا مره ويختفي في دقائق


2بيضه
ا كأس تمر منزوع النوى -أحسن شي تمر الخلاص لأنه طري وينخلط بسهوله
نصف فنجال سكر
ثلاثة أرباع كأس سميد
ربع كأس زيت
1 علبة قشطه
نصف فنجال ماء
1 ملعقه اكل باكنج بادور
رشة فانيليا

للوجه:
فستق مطحون او لوز او جوز هند حسب الرغبه
علبة صغيره حليب نستله المركز

الطريقه:

جيبي <<احضري لغير الناطقين باللغه العربيه

خلاط المولينكس..او البراون اللي عندكم..المهم خلاط الطماطم..

وضعي كل المكونات السابقه فيه واخلطي راح تختلط كلها بإذن الله تعالى,,

بس بشرط ان يكون التمر لين,,يعني لاتحطون تمر سكري ولا تمر قبل 7 سنين

وينكسر خلاطكم وتجون تدعون علي..

صبي الخليط في صينية التشيز كيك..ذات القاع المتحرك..ودخليه الفرن الين يتحمر من تحت

وبعدين حمريه من فوق..ولااحد يسألني عن درجة الحراره لأن فرني كهربائي ماادري عن

الغاز..

واذا طلعتيها صبي على الوجه حليب النستله والفستق المطحون


اتركيها تبرد وبعدين فكيها من الصينيه..


وقطعيها وبالهناء والعااااااااااااااافيه ولاتنسين دلة القهوه واعزمي جيرانك وحبايبك..انا مازاد

وزني الا منها..