مواضيع لم
تغذية
rss
أفضل
20عضو
أفضل
اعضاء اليوم
جديد
المواضيع
أدخل
هنا
قانون
المنتدى
قائمة
أصـدقائي
المحاضرة الأولى هي والديمقراطية
مشاكل كثير من اللي بتحصل بين الزوج والزوجة بيكون سببها حوار بسيط لكن
احيانا بينتهي بمأساة ... بيبدأ الحوار بمجرد سؤال عن حاجة بسيطة ، لكن
الموضوع فجأة بيكبر وبيخرج عن السيطرة .... عايزين نركز في الحوار ده
ونشوف مع بعض يعني أيه تكوني ديمقراطية ؟؟؟
هي : عايز تتغدى أيه يا حبيبي انهاردة ؟؟
هو : اللي تشوفيه يا حبيبتي.
هي : يعني أيه اللي أشوفه ؟؟؟ ..... انا عايزة رأيك .
هو : أنا قصدي ان كل اللي يجي من ايدك حلو .
هي : أنا مابحبش المجاملات . أنا عايزاك تعبر عن رأيك ، أنا دائما أحب
اعطي لك حرية الاختيار.
هو : خلاص ... اعملي لنا سمك مقلي .
هي : سمك أيه !!!!!!!!؟؟؟؟؟؟؟
هو : سمك مقلي ...
هي : انت مابتزهقش من السمك المقلي ده ؟؟؟ .... هو احنا مش لسة
واكلينه السنة اللي فاتت ؟؟؟؟
هو : اعمل ايه يا حبيبتي ...اصل أنا باحبه من أيدك جدا .
هي : والله أنا عارفة انها ماتفرقش معاك من أيدي ولا من رجلي ولا من المطعم .
هو : قصدك ايه بالكلام ده .
هي : قصدي انك ما بتحبش غير الحاجة المتعبة في عمايلها ... اصل مش انتى
اللي بتقعد تنظف السمك لما ظهرك ينقطم .
هو : أنا فعلا مابحبش غير الحاجة المتعبة ... وعلشان كده حبيتك واتجوزتك ...... ههههههههه.
هي : وليه الكلام البايخ ده .
هو : أنا باضحك معاكي والله .
هي : الكلام ده مفيهوش ضحك ، انت مابتعرفش تميز الكلام اللي ينضحك فيه واللي
ما ينضحكش فيه .
هو : لا والله انا ما قصدش .
هي : لا والله انت طول عمرك كده ...
هو : طول عمري أيه ..... مدب يعني في الكلام ؟؟؟
هي : أنا ماقلتش كده ... بس انت اللي بتجر الشكل .
هو : طيب قفلي على الموضوع ده .
هي : طيب انت خلصنا عايز تاكل أيه ؟؟؟
هو : اعملي اللي تعمليه .
هي : تاني بردك رجعنا للسلبية ؟؟؟
هو : لا حول ولا قوة الا بالله ... ودي ايه كمان السلبية دي .... جديدة دي ؟؟؟
هي : ولا جديدة ولا حاجة .... انتى بس اللي مابتخدش بالك من كلامك .
هو : يعني من أكلة سمك طلعت مدب في الكلام وسلبي كمان !!!.... طيب اقلي لنا بيض ...
هي : حضرتك بتتريق ... بتستخف دمك ؟؟؟؟
هو : ولا بتاريق ولا حاجة ... بس أنا عايز اريحك ، ومش عايز اتعبك .
هي : من أمتى الكلام ده ؟؟؟ ماتعودتش منك على كده !!!
هو : طيب قولي لي أريحك ازاي ؟؟؟
هي : رجعنا تاني للهروب من المسؤولية .
هو : مسؤولية ايه بس .... بقول بيض ... بيض ... بيض .
هي : انا مابحبش الانهزامية .
هو : أستغفر الله العظيم .... هروب من المسؤولية وكمان انهزامية ؟؟؟؟
هي : دي غلطتي اني بحاول أعمل منك شخصية .
هو : يعني أنا معنديش شخصية ؟؟؟
هي : طيب أيه رأيك في الملوخية ؟؟؟؟
هو : ودي ايه علاقتها بالشخصية ؟؟؟؟
هي : علشان تتعلم السرعة في اتخاذ القرارات الشخصية ...
هو : طيب مش بطالة الملوخية .
هي : طيب عايزين ايجابية ؟؟؟
هو : رجعنا للبرمجة العصبية !!!... هو احنا هناكل ملوخية ولا هناكل ايجابية ؟؟؟؟
هي : أنا هاعمل الملوخية بس مطلوب منك ايجابية .
هو : ويا ترى أيه هي الايجابية ؟؟؟ .... رفع الروح المعنوية ؟؟؟؟
هي : الايجابية انك تنزل تشتري فرخة وطماطم وملوخية .
هو : لو هي دي الحرية والمشاركة الايجابية ... خلينا أحسن ناكل طعمية .
هي : انت بتغيظني علشان عارف اني باحب الملوخية .
هو : وكان لازمتها أيه الديمقراطية ، وتهمة السلبية والانهزامية طالما نفسك في الملوخية ؟؟؟
هي : طيب قفل على الملوخية .... هتفسحنا فين في ليلتك السودة ديه ؟؟؟
هو : زي ما تحبي يا شلبية ؟؟؟؟
هي : ليلتك مش معدية ..... اسمي شوشو مش شلبية ؟؟؟؟
هو : هما أهلك ولا أنا ..... اللي سميتك شلبية ؟؟؟؟
هي : بس انت عارف اني بتنرفز من الكلمة ديه ...
هو : حقك علي ... ايه رأيك في الحديقة الدولية ؟؟؟
هي : فكرة زفت يا عنيه .
هو : طيب متحف الأثار المصرية ؟؟؟
هي : طول عمرك نكدي ومابتحبش الرومانسة .
هو : يبقى على بيت ابوكي طالق بالثلاثة يا شلبية !!!!..... الله يخرب بيت
دي دي دي دي مقراطية .
هي دي الديمقراطية ؟؟؟؟ .... انك تطلبي من زوجك يعبر عن رأيه بحرية وتحترميه ،
ولا تدي له حرية الرأي والتعبير وتبهدليه ؟؟؟
بانتظار استفسارتكم ووجهات نظركم وآرائكم ... عبر عن رأيك ماتخفش مش هنعمل
فيك زي ماعملت شلبية
