3 مشترك

عارفين الشعور ده ؟

عن العشق والهوي: عضو متميز; المساهمات : 268
تاريخ التسجيل : 11/05/2009
نقاط : 5958

مساهمة رقم 1

عارفين الشعور ده ؟

من طرف عن العشق والهوي الأربعاء يونيو 10, 2009 4:23 am

عارفين
الشعور ده
عارفين لما تفتكر حاجه كده
تحس انها بتشدك لذكريات
انت مش عارف ايه الذكريات دى
بتشدك لحاجه كده
بحاجه انت مش عارفهاا
وممكن تدخلك فى شعور كده غريب
حزن مع ألم مع فرحه
الشعور ده
...........عارف ينه
عارفين
لما تسمع أغنيه كده
تلاقى نفسك بتبتسم من غير سبب
بس جواك حزين أووووووى
وتلاقى شعور بدأ يدخل جواك
انت مش فاهمه
وتحاول تفهم ايه ده
وفى الاخر متفهمش

عارفين
لما تروح تقف على البحركده
وتاخد نفس عميييييييق
بعديها تلاقى نفسك بتبتسم
بس جواك حاجه مش قادرة تخرج
حاجه يمكن بتقطعك من جوه
ومش عارف تتخلص منها
عارفين الشعور ده

عارفين
لما تبقى لسه صاحى من النوم
اليوم لسه مبداش اهو
وتلاقى نفسك على السرير لسه
وغصب عنك تنزل دمعه
ممكن تفضل ساعتين تعيط على المخده
المخده اللى تعبت مننا كل يوم
كل يوم يتحس بينا
قبل ماننام
وتقوم من على السرير
ومحدش يعرف حاجه
عارفين الشعور ده

عارفين
لما تكون الساعه2 بالليل
والبيت كله نايم
بتبقى عايز تصرخ بأعلى صوتك
كفاااااااااايه. ...... حراااااااااااام
كفايه بقى ..... ما خلاص...
حرام عليكوا أوى كده
بس كفايه ايه....... معرفش
كفايه وخلاص
عارفين الشعور ده
عارفين
لما تحس انك عايز مساعده من أى حد
اى انسان
اى مخلوق
حاسس انك بتغرق
بتغرق فى ايه مش عارف
بس انت محتاج مساعده
محتاج حد ينجدك
مش عارف هتطلبها من مين
وحتى لو طلبت مساعده
هتقوله ايه
عايزك تساعدنى وخلاص
تقوله حاسس انى بغرق
الحقنى
هيقولك بتغرق فى ايه
مانت واقف قدامى اهو
انت محتاج مساعده
بس مساعده فى ايه مش عارف
وتفضل تغرق ومش لاقى مساعده
عارفين الشعور ده
عارفين
لما تلاقى نفسك كده
عايش شعور جميل اوى
مع نفسك
انت بتحب جديد
انت عاشق
بس اللى يضحك
مفيش حبيب
انت لوحدك
بتحب وخلاص
هو انت اااااه بتحب
بس الى بتحبه مش موجود
عارفين
لما تبقى عايز تسمع صوت حد معين اوى
واحشك اوى
عايز تسمع صوته
تطمن عليه
وتفضل مستنى
ومستنى....ومستن ى
وفى الاخر ميتصلش
لا وبعدين يتصل حد تانى
تقول اخيرا اهو
وترد بلهفه
وتسمع صوت حد تانى
مش اللى كنت مستنيه

ياترى عارفين الشعور ده