موضوع يهمنا كلنا عن الرد و عدم الرد على المواضيع

انا كتبت الموضوع لان كتير من الاعضاء بتشتكي انهم بيحطوا مواضيع ومحدش بيرد عليها ... بالرغم من كثرة عدد القراءات
ربما لانشغال الاعضاء او المشرفين فيحس باحباط شديد وقد لا يعيد المحاولة مرة اخرى
لذلك .. ؤ؟؟؟
من الخطأ الذي يقع فيه الكثيرون، الاعتقاد بعدم أهميتهم في المنتدى، ويدللون
على ذلك،

عدم رد المشرفين أو زملائهم عليهم أولا بأول. وهذا خطأ فادح،
وتأخر المشرفين في الرد ليس له صلة بأهميتك،
ربما يتأخر رد الأعضاء على موضوع ما،
لكنه لايعكس ابد موقعك وترتيبك .

وعشان كدة عندي بعض النصايح والنقط اللى احب انك تحطها فى حسابك لما تيجي تنزل بأى موضوع

1- راعي ربنا فى نفسك الاول وحاسبها قبل ما تنزل بأى موضوع او رد.


2- يا ريت تختار المواضيع الهادفة والفعالة وتخلى اللى يقراها ينجذب ليها.واختر عنوانا يدل عليه بسرعة بحيث يستطيع القارئ إدراكه من عنوانه
وضع الفكرة الأساسية في عنوانك الرئيسي

3- أهتم بتنسيق الموضوع لان دة عليه عامل كبير جدا فى جذب الأعضاء لقراءته ... من حيث تكبير الخط ووضع الصور وتزيين الموضوع كلما أمكن ... الخ

4- أقرا أى موضوع كامل عشان تعرف تقول رايك بصراحة وانت مجمع كل جوانب الموضوع.

5- لو نقلت موضوع ... ياريت يكون ليك بصمة ولو بسيطة مش نقل copy وpaste ... غير من التنسيق أو قول رايك فى نهاية الموضوع

6- وأنت بتحط اى موضوع لازم يكون فى المكان المناسب ليه عشان محدش يتلغبط ويتشتت

7- لما ترد على اى موضوع ضيف ابتسامة معينة او شكل معين لان دة بيكون ليه تأثير كبير على القاريء

8- خلى ردودك مختصرة وموضوعك كمان مش كبير عشان القارىء مش يمل منك

9- خليك عضو فعال مش بعدد المشاركات الكتير ... لا .... بقيمة كل مشاركة حتى لو كان موضوع فعال


10- خليك أنسان متعاون ومتواضع ... واوعى تبخل على اخوانك فى اى معلومة او رد ... ممكن بسبب ردك على موضوع يكون حل لمشكلة كبيرة لعضو تاني

11- حط نفسك مكان القارىء لما تيجي تختار أى موضوع

12- لازم تعرف ان فى اعمار مختلفة معاك وبالتالي لازم تحترم الكبير وتكون حنين على الصغير.

13- المنتدى اتعمل عشانك يعنى ملك ليك ولازم تحافظ عليه كويس وعرف أصدقائك عليه عشان تكون الاستفادة عامة

14 - أختيارك لعنوان موضوعك عليه عامل كبير جدا فى جذب الاعضاء لقراءة موضوعك

15- نوع في مواضيعك ولا تقتصر على قسم واحد فقط.

16- أوعى تاخد اللى أنت عايزه وتبخل على صاحبه بكلمة شكر بسيطة منك بل اكتب ازاى تستفيد من الموضوع و تضاف له ملحوظه سواء
باية او حديث

17- أوعى المنتدى ياخدك بموضوعاته واعضاؤه وتنسي حق ربنا عليك
ولأننا قد نجلس بالساعات أمام النت فقد يسهو البعض عن الصلاة .



قال تعالى فى كتابه الكريم : { ألم تر كيف ضرب الله مثلا كلمة طيبة كشجرة طيبة أصلها ثابت وفرعها في السماء تؤتي أكلها كل حين بإذن ربها ويضرب الله الأمثال للناس لعلهم يتذكرون } .


راقب ربنا وخليه بين عينيك ...
خليك سند لآخواتك وعون ليهم وتحت امرهم ... لان مهما طال الزمن هايجي يوم ويفتكروك ... وأحنا عاوزين الناس تفتكرك بكل خير

على فكره يا جماعه أنا وضعت هذا الموضوع فى قسم الاسلاميات

لكى نقرأه جميعا لأننا كلنا نبدأ يومنا على رهف من القسم الاسلامى



معلش طولت عليكم لكن الموضوع فعلا يستحق الاطالة

اتمنى من الله العلي القدير ان يوفقنا جميعا لما يخدم الجميع


[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]